Sinungbatan ni House Majority Leader Sandro Marcos iti akusasion ni sigud nga Ako Bicol Representative Zaldy Co maipanggep ti P50 billion budget insertions iti national budget.
Iti video message, kenuna ni Co nga adda dagiti proyekto a saan nga nairaman iti 2025 budget a maipagarup a nakaigapuan ti pungtot ni Marcos.
Nainget met a pinaglibakan ni Marcos iti alegasion ken inawagan na daytoy kas maysa a klase ti “destabilisasion” maibusor iti gobierno.
Impaganetget na pay nga awan ti basaran na dagiti pammabasol ken saan a rumbeng a patien dagiti ibagbaga ni Co.
Segun ti House Majority Leader, naapektaran iti kredibilidad ti sigud a kongresista gapu kadagiti sangsanguen na a kaso.
Nagtaud iti susik dagiti dua iti nabayagen nga isyu dagiti budget insertions iti Kongreso.
Iti laksid ti kontrobersia, tinakderan ni Marcos nga awan ti kinapudnona dagiti alegasion ken agtultuloy nga aramiden iti akemna kas Majority Leader.#
