Pinaglibakan ni Department of Public Works and Highways Secretary Vince Dizon nga adda ti panagdanag na iti panangipila ti kaso kontra kenni sigud nga House Speaker Martin Romualdez — a kasinsin mismo ni Presidente Ferdinand Marcos Jr.
Inrekomenda ti DPWH ken Independent Commission for Infrastructure (ICI) a kasuan ti plunder, graft, ken direct bribery ni Romualdez, karaman ni sigud nga Ako Bicol Party list Representative Zaldy Co mainaig iti panakairaman da iti maanomalya a flood control projects ti pagilian.
Iti plenary debates ti proposed 2026 budget ti ahensia, temporario a nasuspendir iti rules ken napalubusan ni Dizon a direkta a sumungbat iti damag ni Senador Chiz Escudero.
Dinamag ti Senador no naaddaan ni Dizon ti panagdudua wenno panagbuteng iti rekomendasion a mangipila ti kaso gapo iti relasion ti sigud nga Speaker ken ti Presidente.
Impaganetget ti sekretario a nalawag iti direktiba ni Presidente Marcos a suruten laeng iti ebidensia.#
