BR LA UNION – Nagpalagip ti Department of Labor and Employment (DOLE) kadagiti employer a siguradwen ti umno a pasuweldo kadagiti mangmangged a naka-duty ita a Bonifacio Day.
Iti Labor Advisory No. 13, inallokoy ti DOLE dagiti kumpanya n sumurot iti naituding nga allagaden tapno mapagtalinaed ti naingkalintegan a labor practices ken maprotektaran ti karbengan dagiti mangmangged iti panawen ti regular holiday.
Maibasar iti guideline, nu saan a sumrek ti maysa nga empleyado iti aldaw a holiday, mabayadan latta ti 100 percent para iti inaldaw a suweldo ngem simrek wenno naka-leave with pay sakbay ti holiday.
Para met kadagiti agtrabaho ita a Bonifacio Day, nakailanad iti allagaden a rumbeng a mabayadan ti mangmangged ti 200 percent wenno double pay para iti umuna a walo nga oras ti trabaho. Nu limbes iti walo nga oras ti duty wenno nag-overtime, manayunan pay ti 30 percent ti double pay.
