Pinalagipan ti Department of Labor and Employment (DOLE) dagiti negosiante nga agar-aramid ken agilaklako dagiti paputok ken pasilaw a sumurot iti Occupational Safety and Health (OSH) standards tapno maliklikan iti aniaman nga insidente.
Segun kenni Secretary Bienvenido Laguesma, nangiruar isuna ti Labor Advisory a mangbilbilin kadagiti regional offices nga i-monitor no sumursurot dagiti establisimiento kadagiti OSH rules.
Ti nasao nga inspeksion ket kaduada ti Bureau of Fire Protection (BFP), Philippine National Police (PNP), ken dagiti lokal a gobierno.
Masapul nga agsubmitir dagiti regional directors ti DOLE ti listaan dagiti namonitor da nga aglaklako ti pyrotechnics iti Bureau of Working Conditions (BWC).
Maipalagip nga idi Oktubre ket dua a tattao iti pimmusay gapo iti bimtak a pagaramidan ti paputok idiay Norzagaray, Bulacan.#
