BR LA UNION – Umabot ti nasurok tallo nga oras sakbay a naan-anay a nasebseban ti Bureau of Fire Protection (BFP) ti napasamak nga uram iti residential area idiay Barangay Pleasant Hills, Mandaluyong City.
Nangrugi ti uram agarop alas-6:30 idi rabii, Disyembre 12 ken naingato agingga ti maikalima nga alarma.
Napasamak ti insidente agarop alas 6:32 idi rabii, Disyembre 12, 2025 ken naideklara nga under control ti oras alas 9:10 P.M.
Nagbayanihan wenno nagtitinnulong dagiti residente tapno masebseban ti apoy ngem napartak latta a dimmakkel ti apoy.
Narigatan dagiti bombero a masebseban ti apoy gapu iti kinakipet ti dalan nga agturong iti lugar.
Umabot ti 85 a fire trucks manipud BFP ken fire volunteers ti nagresponde iti insidente, agraman dagiti tallo nga ambulansya ti BFP ken 10 a volunteer ambulance.
Naiyakar iti basketball court dagiti nauraman a mapatta-patta a buklen ti nasurok 500 a pamilya.
Agtultuloy ti isay-sayangkat nga imbestigasyon dagiti otoridad tapno duktalen nu anya ti nagrugyan ti uram.
