BR LA UNION – Ti ina ni Tachiana Keizha Mangin ket tubo ti Rimos No. 4, Luna, La Union.
Ni Tachiana Keizha Mangin ket naipasngay idiay Manila City idi November 5, 2007 ngem dimmakkel idiay Barangay General T. De Leon, Valenzuela City.
Ni Tachiana ket agtawen ti 18, maysa a taekwondo practitioner ken nagsanay iti sidong ti trainer a ni Kirstie Alora.
Nagun-od na ti umuna a gold medal idi agtawen ti 15, iti kyorugi junior division ti 16th ASEAN Taekwondo Championships idiay Parañaque City ken silver medalist iti 2023 Chuncheon Korea Open International Taekwondo Championships.
Idi napalabas a tawen, napangabakanna ni Tachiana ti gold medal iti Women’s -49 kg category iti 2024 World Taekwondo Junior Championships idiay South Korea.
Gaputi dayta, naitandudo a kaunaan nga atleta ti Pilipinas a nangabak iti nasao nga event, sipud napangabakan dayta a titulo ni Alex Borromeo idiay Barcelona idi 1996.
Idi Biyernes, Disyembre 12, 2025 napangabakan ni Tachiana Mangin ti maika-pito a gold medal iti 2025 Southeast Asian Games para iti women’s 49-kg kyorugi event.
