BR LA UNION – Pinaglibakan ti kampo ni Ramil Madriaga a ti pammabasolna kenni Bise Presidente Sara Duterte ket politically motivated.
Segun kenni Atty. Raymond Palad, abogado ni Madriaga iti interview ti Bombo Radyo, nabayagen nga agsasao ni Madriaga maipapan kadagiti ammona nga isyu.
Idi napan a tawen, maipagarop nga immasideg ni Madriaga kenni Senador Risa Hontiveros tapno kumiddaw ti tulong para iti patas nga imbestigasyon.
Adda payen salaysay na, a kunana ke nagbalin a bagman iti kampanya ni VP Sara.
Nakailanad iti affidavit nga adda iti campaign funds manipud kadagiti POGO operators ken drug syndicates idi 2022 elections.
Nainget met a pinaglibakan dagiti sigud nga opisyal ni VP Sara ti aniaman a koneksiyonda kenni Madriaga ken inawaganda nga awan ti basaran dagiti alegasyonna.
Iti agdama, nakatuding nga imbestigaran ti Ombudsman dagiti waragawag ni Madriaga tapno maammuan ti kinapudno.
Kabayatanna, pinaglibakan met ti kampo ni VP Sara ti amin nga alegasyon ti nadakamat nga inmate.
