Insayangkat dagiti miembro ti Alpha Phi Omega wenno APO ti tradisyonal nga Oblation run da idiay University of the Philippines – Diliman, Quezon City ita nga aldaw.
Dumanon ti 100 a miembro ti APO dagiti nakisalip ti tradiyonal a panagtaray a sisilabos kasaruno ti panagrambak ti maika-100 nga anibersaryo iti grupo. Kas paset ti tinawen nga Oblation Run ket nangibunong ti APO kadagiti sabong.
Bayat ti kaadda da idiay Palma Hall ti unibersidad ket kiniddaw ti grupo iti gobierno a maibaluden dagiti korap ditoy Pilipinas. Iggem da pay dagiti placards a mangkonkondenar kadagiti political dynasties ken dadduma pay a klase ti panagabuso ti politika.
Segun kenni Attorney Fritz Sapon, APO member ken alumni spokesperson, simbolo ti aktibidad iti panagrambak ti maika-100 a tawen ti fraternity ken dagiti tawen a panagtignay kontra korapsyon a mapaspasamak ditoy pagilian.
