Pimmusayen ni sigud a Department of Public Works and Highways (DPWH) Undersecretary Catalina Cabral kalpasan a masarakan iti nauneg a paset ti derraas ti Kennon Road idiay Tuba, Benguet.
Pinasingkedan daitoy dagiti kapulisan ti probinsia kalpasan iti insidente idi kalman ti malem, Disiembre 18.
Maibasar ti inisial nga imbestigasion dagiti otoridad, agturong ni Cabral ditoy probinsya ti La Union ngem pagsangpet na idiay Maramal, Camp 5, Camp 4 ket nagpabati isuna pasado alas tres ti malem.
Sinublianan isuna ti driver pasado alas-5 ti malem ngem saan nan a nakita iti sigud a DPWH official.
Maipagarop nga ala-7 ti rabbi ket nakitinnulong iti driver kadagiti pulis ken idiay dan a nakita nga awanan ti biag ni Cabral iti maysa a derraas nga addaan ti kauneg a 30-metro.
Maipalagip a karama ni Cabral kadagiti inrekomenda ti Independent Commission for Infrastructure (ICI) a makasuan gapu ti panakairaman na iti anomalya kadagiti flood control projects.
Binilin ti Office of the Ombudsman iti Benguet Police nga idulin dagiti gadgets ti sigud nga opisial kas iti cellphone bayat nga agtutuloy iti imbestigasion iti napasamak nga insidente.#
