Maladingitan ni Senate President Vicente Sotto III ken kinuna a nadagsen ken naliday ti ipupusay ti sigud a Department of Public Works and Highways (DPWH) undersecretary Catalina Cabral.
Pinasingkedan ti Benguet police a natayen ni Cabral idi nasarakan da iti nauneg a rangkis iti kawatiwatan ti Kennon Road idiay Tuba, Benguet idi laeng kalman, Huebes ti rabii, Disyembre 18.
Maitudtudo ni Cabral a karaman kadagiti masterminds iti likudan dagiti maaw-awagan kas “allocable,” a mangakdakamat iti wagas ti panangitukon ti pondo kadagiti mamanday-linteg para kadagiti palpak ken nakorap a flood control projects.
