Agur-uray laengen ti panangaprobar ti Department of Budget and Management (DBM) ti promotion dagiti nasurok 1,800 retirable Teacher I positions, segun iti Department of Education (DepEd).
Iti agdama ket dumanon ti 58K a promotions itan ti naiproseso babaen ti liderato ni Education Secretary Sonny Angara.
Segun iti DepEd, nakaawaten ti official appointment papers ti nasurok 16K a mannursuro, bayat a nasurok 39K a reclassification applications met ti agtultuloy a maad-adal.
Maiyannurot paylaeng daitoy ti direktiba ni Presidente Ferdinand Marcos Junior nga awan ti mannursuro nga agretiro a nagtalinaed iti entry-level position.
