BR LA UNION – Nakatuding nga agsumite iti Independent Commission for Infrastructure (ICI) ti pinal a rekomendasyon seknan dagiti mairam-raman iti anomalya dagiti flood control projects, kalpasan ti panagloslos ti dua a commissioners.
Segun kenni ICI chairperson Andres Reyes Jr. nabukel ti ICI nga addaan ti nalawag a mandato tapno agkalap ti ebidensya ken mangiwayat ti maiparbeng nga addang.
Iti agdama kunana, adda ti walo a referrals ken kaso nga indatag ti ICI a pakaibilangan ti aganay 1,000 a tattao a mairamraman iti flood control anomalies.
Dagiti indibidwal a karaman ket dagiti Senador, kongresista, sigud ken agdama nga opisyal ti gobyerno.
Kadwa da ti Anti-Money Laundering Council (AMLC) ket nakapag-freeze da ti aganay P20.3-bilyon nga assets a kukua dagiti mairam-raman iti anomalya.
Maipalagip a naglosolos iti puwesto ni ICI Commissioner Rossana Fajardo nga epektibo inton Disyembre 31, sumaruno kenni sigud a DPWH Sec. Rogelio Singson, a naglosolos dua a lawasen ti napalabas.
