BR LA UNION – Karamanen iti billionaires list ti Forbes Magazine iti sikat a singer a ni Beyonce.
Segun iti Forbes, ni Beyonce iti maika-lima a musician a nairaman iti listaan ti billionaires list a pakaibilangan ti asawa na a ni Jay-Z, Taylor Swift, Bruce Springsteen ken Rihanna.
Nagbalin a tulbek iti panagbaknang ni Beyonce iti nagballaygi a World Tour na, agsipudta nakapastrek ti $600 milyon.
Nangiruar ti album na idi 2024 ken nangabak ti “Cowboy Carter” na iti Grammy kas best country album.
Maibilang isuna kas maikatlo a highest-paid musician iti intero a lubong nga aggatad ti $148-M.
Saan metten a dinakamat pay ti Forbes nu mano ti pakabuklan a kinabaknang ti 44-anyos a sigud a miyembro ti Destiny’s Child.
