BR LA UNION – Impangato ti Phivolcs iti Alert Level 3 ti Bulkan Mayon ita nga aldaw ti Martes, Enero 6, 2026.
Maibasar iti pakaammo ti ahensiya, gapu iti pannakarba ti dome, manamnama ti sumaruno a pyroclastic density current (PDC).
Daytoy ti nangtignay iti pannakaipangato ti alerto iti nangatngato a tukad.
Ti pyroclastic density current ket aw-awagan pay nga “uson” dagiti residente ken mabalin daytoy a makadangran kadagiti adda iti sakaanan ti bulkan.
Isutgapuna, a lalo pay a nagirut dagiti otoridad iti panangipatungpal dagiti restrictions kadagiti agpilit a sumrek iti restricted area.
Iti napalabas, manipud iti Alert Level 1, naipangato daytoy iti Alert Level 2 idi Enero 1, 2026 gapu iti panagadu ti rockfall events ken inflation ti bulkan.
Nailista iti 43 nga insidente manipud idi rugi ti baro a tawen.
Kabayatanna, nangipaulog ti Civil Aviation Authority iti pakdaar kadagiti piloto a liklikan ti lugar iti aglawlaw ti Bulkan Mayon agingga iti 11,000 feet gapu iti peggad ti kellaat a panagbettak wenno phreatic eruptions.
