BR LA UNION – Namnamaen a lumbes iti 70 a milyon a pasahero iti maserbiswan ti EDSA Busway ita a tawen, segun iti Department of Transportation (DoTr), gapu iti agtultuloy a rehabilitasyon ti EDSA.
Segun kenni Transportation Acting Secretary Giovanni Lopez, manamnama nga umadu ti ridership iti 5% agingga iti 10% gapu kadagiti baro a polisiya, programa, ken imprastruktura nga ipatpatungpal ti ahensiya.
Maibasar iti listaan ti ahensiya, aganay 66.67 milyon dagiti naserbiyan a pasahero idiay EDSA Busway idi 2025, mas nangat-ngato ti 5.79% kumpara idi napalabas a tawen 2024.
Umabot met iti 321,186 a pasaheros ti nailista iti single-day peak idi Abril, bayat nga idi Disyembre ket nailista iti 6.53 milyon a binulan a bilang.
Kagiddan iti rehabilitasyon iti pannakapalawa ti EDSA Busway, nga addaan ti tallo a baro nga estasyon idiay Cubao, Magallanes, ken Parañaque Integrated Terminal Exchange (PITX) a nakatuding a mangrugi ti pannakaibangon iti umuna a kuarter ti tawen. Target dagitoy a maileppas iti maikapat a quarter.
Iti agdama, ti EDSA Busway ket addaan ti 21 nga estasyon nga agtartaray iti 24/7 iti main thoroughfare idiay Metro Manila.
