Pinermaan ti Pilipinas ken United Arab Emirates iti maysa a Economic Partnership Agreement idi kalman, Enero 13 idiay Abu Dhabi.
Nasaksian ni Presidente Ferdinand Marcos Junior ken UAE President Sheikh Mohamed bin Zayed Al Nahyan iti pannakaperma ti Comprehensive Economic Partnership Agreement.
Iti dasig ti Pilipinas ket ni Trade and Industry Secretary Ma. Christina Roque iti nagperma iti katulagan a naangay iti sidelines ti Abu Dhabi Sustainability Week 2026.
Panggep daytoy nga ibaba iti taripa, palawaen iti market access dagiti produkto ken serbisio, papigsaen iti panagpuonan, ken mangpartuat ti ad-ado nga oportunidad para kadagiti Pilipino idiay UAE.
Karaman kadagiti sektor a paset iti katulagan ket ti digital trade, MSMEs, sustainable development, ken professional services.
Manamnama nga agnumar dagiti produkto a Pilipino kas iti saba, pinya, de-lata a tuna, ken electronics.
Idi 2024 ket dandani dimmanon ti US$1.83 billion iti kalakalan dagiti dua a pagilian. Manamnama a mangipangato ti nasurok siam a porsiento iti CEPA iti export ti Pilipinas idiay UAE ken mangpapigsa ti koordinasion iti Gulf region.###
