Nasarakan a natay idiay pagtaengan da ti Grammy-nominated musician a ni John Forte iti tawen a singkwenta.
Segun kadagiti otoridad, nakaawat da ti tawag kalpasan a matakuatan ti gayyem na nga awanen ti biag ti singer idiay Chilmark, Massachusetts.
Awan met ti aniaman a senyales ti foul play a nakita dagiti kapulisan isu nga impasidong da daitoyen ti medical examination tapno maamwan ti rason ti pannakatay na.
Naipasngay ni Forte idiay New York City nu sadinno ket 20-anyos na paylaeng ket nagbalinen isuna a paset ti kanta ti Fugee a “The Score” a nominado metlaeng ti Grammy.
Kas multi-instrumentalist ken rapper ket nakai-release pay isuna ti solo album a “Poly Sci” ken “I John”.
Tawen 2000 met ket naarestar daitoy idiay Newark International Airport gapo ti kaadda na ti imet a liquid cocaine ken drug trafficking.
Nasentensyaan ni Forte ti 14 a tawen ngem nakissayan ti pito a tawen gapo iti presidential pardon ni sigud a President George W. Bush.
