Intudo dagiti dua a “testigo” a ni Curlee Discaya iti nakasaritada a contractor ken nangibaga a ni sigud nga House Speaker Martin Romualdez iti baro nga agtagikua iti pagnanaedanda idiay No. 30 Tamarind Street sa South Forbes Park, Makati City.
Kiniddaw met ni Discaya kenni Senate President Pro Tempore Panfilo “Ping” Lacson nga ikkaten iti face mask dagiti testigo gapu ta saanna a malagip a nakasarita wenno nakatransaksion na dagitoy ken iti kaanoman ket saan pay isuna a nakastrek iti Forbes Park.
Timpuar iti alegasion a maipagarup a nagserbi ni Discaya kas front kenni Romualdez iti pananggatang ti high-end real-estate property idiay Makati City.
Immunan a pinaglibakan ni Discaya ken inlawlawag a naminsan na laeng a nakita ken saan na pay pulos a nakasarita iti sigud nga House Speaker iti maysa a public event.
Nakaladingitan ti contractor iti panangusar ti naganna tapno mairaman iti sigud nga House Speaker iti kontrobesiya dagiti flood control projects.###
