Inlawlawag ni Senate Blue Ribbon Committee Chairman Sen. Panfilo “Ping” Lacson a saan da a gangandaten nga iraman ni sigud nga House Speaker Martin Romualdez iti imbestigasion dagiti maanomalya a flood control projects.
Kasarubi daytoy iti panagsango dagiti dua a testigo a nangibatad ti maipagarup a koneksion ti sigud nga House Speaker iti kontratista a ni Curlee Discaya.
Inaklon ti Senador a saan nga umdas dagiti testimonya dagiti dua tapno iraman ni Romualdez iti panagdingngeg ti Senate Blue Ribbon Committee idi kalman.
Segun kenni Lacson, mabalin laeng daytoy nga ibalang kas maysa a lead.
Pinaglibakan met ni Discaya iti maibagbaga a konseksion, isu nga awan ti natibker a basaran iti agadama.
Immunan a pinaglibakan ni Descaya iti alegasion ken impaganetget nga iti kaanuman ket saan pay isuna a nakapan iti South Forbes Park ken awan ti ammona kadagiti balay sadiay.###
