Pinaglibakan ni sigud a DPWH Secretary Manuel Bonoan iti alegasion a nakaawat isuna ti kickbacks manipud kadagiti maanomalya a flood control projects.
Ti akusasion ket nakabasar iti affidavit ni sigud a DPWH Undersecretary Roberto Bernardo idi Nobiembre, a maipagarup a ginudua ni Bonoan iti commissions manipud kadagiti proyekto babaen ti superbision ni Bernardo a mapatta-patta nga aggatad ti ₱5 billion tunggal tawen para ti 2023–2025.
Dinakamat met ni Senador Sherwin Gatchalian a nalawag iti affidavit a nakaawat ni Bonoan ti commissions, ken dinamag no kasano a napasamak iti korapsion babaen ti panangidaulona.
Agtultuloy iti imbestigasion ti Senado kadagiti maanomalya a flood control projects.###
