BR LA UNION – Kinarit manen ni sigud a Senator Antonio Trillanes ni Senator Ronald “Bato” dela Rosa a boluntaryo a sangwen dagiti alegasyon kenkuana iti International Criminal Court (ICC) idiay The Hague, Netherlands.
Karit ti sigud a mammanday linteg kenni Dela Rosa nga agturong idiay The Hague tapno kadwaen wenno bisitaen ni sigud a Presidente Rodrigo Duterte nga agdama a nakabalud iti ICC Detention Centre.
Nasay-sayaat kunana nu malaw-lawagan nu pudno nga addan ti warrant of arrest na nga inruar ti korte.
Sipud pay idi Nobyembre 2025, saanen a nagpakita iti publiko ti sigud a Philippine National Police (PNP) chief kasaruno ti impormasyon nga addan ti warrant kontra kenkuana.
Balakad ni Trillanes iti sigud a heneral, a boluntaryo nga agturong idiay The Hague, ipakita ken panekneknna iti sigud a presidente a napudno ti panangipateg ken suporta na ditoy.
Innayon pay ni Trillanes, saan a naingkalintegan a panawan ni Dela Rosa iti sigud a presidente idinto nga arigna ‘tikka’ dagitoy idi presidente pay ni Duterte.
