Imbestigaranen ti Department of Agriculture (DA) ti naipadamag a kinakurang ti bagas ken price manipulation idiay Bocaue, Bulacan kasaruno dagiti agwarwaras iti social media nga atiddog a pila dagiti aggatang.
Kinuna ni Agriculture Assistant Secretary ken Spokesman Arnel De Mesa nga imonitor ti ahensya ti supplier ken ti insidente a napasamak idiay Bocaue tapno maliklikan ti panangabuso ti supply ken presyo ti bagas.
Innayon na a nasken ket sumursurot dagiti retailers, nangruna ita a nababa iti implasyon wenno benchmark ti nasao a produkto.
Segun kenkuana, apamaman a saan a makasurot dagiti aglaklako ket makikoordinar iti DA ti Department of Trade and Industry (DTI) ken kadagiti lokal a gobierno iti imbestigasyon.
