BR LA UNION – Nagballaag ni President Ferdinand Marcos Jr. kadagiti ahensiya ti gobyerno a saan a padasen ti agsumite kenkuana iti biddut a report seknan dagiti ipat-patungpal a proyekto ti gobyerno.
Segun kenni Palace Press Officer USec. Claire Castro, impaganetget ti Presidente a saanna a kayat ti makaawat iti napa-pogi a report.
Inaramid ti Presidente iti waragawag iti maysa a panagtataripnong kadwa na ti economic team idiay Palasyo.
Immandar ti Presidente nga agsumite dagiti ahensiya ti gobyerno ti report kenkuana tunggal dua a lawas.
Daytoy ket tapno makita kunana iti progreso dagiti proyekto ken masiguro a dagitoy ket maipat-patungpal nga umno ken malpas ti umiso nga oras.
Kinuna ni Castro a mangbukel ti mekanismo iti palasyo nu kasatnu a mabantayan, ken ma-verify nga umno dagiti report nga isumite dagiti ahensiya ti gobyerno.
