Maikonsideran kas case closed ti pannakatay da Police Senior Master Sergeant Diane Marie Mollenido ken ti 8-anyos na nga anak a ni John Ysmael.
Segun kenni Department of Interior and Local Government (DILG) Sec. Juanito Victor ‘Jonvic’ Remulla, a maysa a car dealer ken ti partner na ti adda iti likudan ti pammapatay a nagramut iti P450K a transaksyon iti panaglako ti lugan.
Karaman kadagiti suspek ket ti kabsat ti partner ti car dealer ken maysa pay a kakunsabo da.
Agtultuloy paylaeng ti imbestigasyon nu adda metlaeng ti pakainaigan ti mister ti biktima a ni Police Senior Master Sergeant John Mollenido iti nakaam-ames a pammapatay.
