BR LA UNION – Naisayangkat ti mangrove propagule ken seed scouting activity idi Pebrero 3, 2026 iti Bakawan Eco-Tourism Park idiay Bauang, La Union.
Daytoy ket kas paset ti pannakarambak ti World Wetlands Day nga addaan ti tema a “Wetlands and Traditional Knowledge: Celebrating Cultural Heritage”.
Naipatungpal ti aktibidad babaen iti inisyatiba ti Provincial Government ti La Union, babaen ti Provincial Environment and Natural Resources Office, lokal a gobyerno ti Bauang ken Municipal Environment and Natural Resources Office (MENRO).
Ti nasao a ganwat ket addaan tarigagay a madetermina, agkolekta, ken matingiting dagiti kasapolan a mangrove propagules ken bukel a mangsuporta ken mang-sustinir iti mangrove rehabilitation ken conservation initiatives ti probinsiya.
