Nagkedked a mangipaay ti komento ni Presidente Ferdinand Marcos Jr. mainaig ti dua nga impeachment complaint a naipila kontra kenni Bise Presidente Sara Duterte.
Segun ti Presidente, saanna a trabaho iti mangipaay ti waragawag seknan ti nasao a saritaan.
Immunan a pinasingkedan ni House Secretary General Cheloy Garafil a naidatagen iti opisinana dagiti dua nga impeachment complaints iti Office of the Speaker para ti maiyannatup nga aksion ti Kamara de Representantes.
Nangipeksa met ti kumpiyansa iti Presidente iti kabaelan ti Kamara a mangtaming iti kaso.
Mamati isuna a suruten ti lower house iti naituding a proseso ken dagiti probision ti Konstitusion iti panangiggep ti nasao a saritaan.###
