Impaganetget ti Pwersa ng Pilipinong Pandagat Party-list (PPP) Representative a ni Harold Duterte a politika laeng ti nagtaudan ti kaso ni sigud a Presidente Rodrigo Duterte idiay International Criminal Court wenno ICC.
Daitoy iti nakuna iti mamanday-linteg seknan ti agdama a confirmation of charges hearing ti ICC para ti crimes against humanity ti sigud a presidente ken impaganetget a saan a para ti pagsungbatan kadagiti biktima wenno hustisya ti mapaspasamak nu ketdi gapo iti politikal a rason.
Kinuna ni Representative Harold a ti liderato idi ti napalabas nga administrasyon ket nasaknap iti ilegal a droga nga itan ket makapaladingit agsipud ta arig na kumarkaro pay iti nasao a problema.
Innayon na nga iti nagan ti politika ket nausar ni Ex-Pres. Duterte a kas ‘scapegoat’ kadagiti saan a maresolbar a problema ti pagilian.
Gapo kadaitoy ket nagpanawagan isuna ti kararag para ti pannakawaya-waya ken panagawid ti sigud a presidente ti Pilipinas.
