Rugian ni Filipina tennis star Alex Eala ti 2026 Indian Wells tournament kontra iti pamiliar a kalaban.
Sanguenna ni Dayana Yastremska ti Ukraine para iti round of 64 idiay California a mangrugi inton bigat, oras ditoy Pilipinas.
Nakastrek ni Yastremska iti maikadua a round kalpasan a naparmekna ni Zhang Shuai.
Dagus met a nakastrek ti 20-anyos a ni Eala iti second round kalpasan a nakaawat ti first-round bye iti WTA 1000 tournament.
Idi napalabas a tawen, inabak ni Eala iti Ukrainian tennis star iti Eastbourne Open quarterfinals.
Ti Ukrainian tennis star ket addaan kadagiti titulo a nangabakanna idiay Hong Kong idi 2018 ken kalpasan ti makatawen ket nagsaruno ti panagkampeonna idiay Hua Hin ken Strasbourg.
Target met ni Eala nga agsubli kas kampeon kalpasan a nangabak iti Guadalajara title idi 2025.###
