BR LA UNION – Nakasublin ditoy Pilipinas dagiti 90 nga Overseas Filipino Workers (OFW) kadwa ti pamilya da manipud United Arab Emirates (UAE) gapu iti agtultuloy a riribok idiay Middle East.
Segun iti Department of Migrant Workers (DMW), simmangpet dagiti OFW idi rabii, Marso 8, idiay Ninoy Aquino International Airport (NAIA) Terminal 3.
Buklen daytoy iti 33 nga OFW a nanggundaway iti diaya a repatriation ti gobyerno bayat a dagiti dadduma nga OFW ket na-stranded idiay Dubai.
Sinabat dagiti opisyal ti DMW nga indaulwan ni Secretary Hans Leo Cacdac ken personnel ti Department of Social Welfare and Development (DSWD).
Sipud idi Marso 5, umaboten iti 399 nga OFW ken 12 OFW dependents ti natalged a nakasubli ditoy pagilian kagiddan ti agtultuloy a riribok idiay Middle East.
Inpadamag pay ti Department of Foreign Affairs (DFA) nga adda ti 11 a Filipino iti natalged a rimwar idiay Iran ken naiturong da idiay Turkiye .
Agtultuloy ti panangtulong ti DFA iti aganay 800 pay a Pilipino idiay Iran.
