BR LA UNION – Inyanunsiyo ti Philippine Atmospheric, Geophysical and Astronomical Services Administration (PAGASA) a nalpasen ti panawen ti La Niña.
Segun iti PAGASA, ti kondisyon iti kabaybayan Pasipiko ket nagsublin iti El Niño/Southern Oscillation wenno ENSO-neutral.
Ti nasao a kondisyon ket agpaut agingga katengngaan ti tawen 2026.
Innayon ti PAGASA, uray nalpasen ti La Niña ket makapadas latta ti pagilian iti panagtudtudo gapwanan iti sumagmamano a weather ken climate system a mabalin a mangigubway ti flash floods ken landslides iti dadduma a lugar.
Binalakadan ti PAGASA iti publiko nga agbalin a naridam tapno maliklikan iti anyaman a nakaru nga epekto ti panawen.
Immunan nga imbaga ti PAGASA a namnamaen iti uppat agingga 11 a bagyo a sumrek ditoy pagilian manipud Pebrero agingga Hunyo 2026.
