BR LA UNION – Agtultuloy a mangisay-sayangkat ti inspeksiyon iti Philippine National Police kadagiti gas stations iti intero a pagilian, kas sungbat iti panawagan ti Department of Energy (DOE) seknan iti posibilidad ti hoarding ken profiteering iti produkto a petrolyo.
Daytoy ket gapu pay laeng ti mapaspasamak a riribok idiay Middle East, rason ti napaspas a panagngato ti presyo dagiti produkto a petrolyo.
Segun kenni Philippine National Police Spokesperson Police Brigadier General Randulf Tuaño, nakailanad iti mandato da a mangipaay ti seguridad kadagiti gas stations, mangipaay ken agkalap ti supporting evidences para iti agbalin nga imbestigasyon ti Department of Energy, iti posible a kaso ti hoarding ken profiteering.
Malaksid dayta, pagtalinaeden pay ti pulisiya ti police visibility kadagiti gasolinaan para iti panangipatungpal ti seguridad, inspeksiyon, ken dadduma pay.
