BR LA UNION – Maipagarop a naglosolosen iti puwesto ni Department of Tourism (DOT) Secretary Christina Garcia Frasco ken nangipaay metten ti farewell message kadagiti kakadwa na iti ahensya.
Segun iti source ti Bombo Radyo, maipagarop a nakasapolen iti Malacañang ti kasukat na iti puwesto – ni trade diplomat Dita Angara-Mathay.
Ti damag ket kasaruno dagiti pammabalaw a naawat ni Frasco gapu iti maipagarop a “self-promotion” kadagiti tourism materials ti gobyerno, banag a pinaglibakanna.
Impaganetget ti sekretaryo nga awan ti ginastos a kuwarta ti ili kadagiti materyales ken inisyatibo daytoy iti pribado nga indibidwal ken grupo.
Iti likudan ti report, awan pay ti opisyal a kumpirmasyon manipud Malacañang seknan iti panaglosolos ni Frasco.
Nupay kasta, imbaga ni Presidential Communications Office Undersecretary Claire Castro a mangirwar da ti anunsyo inton bigat, Biyernes, seknan iti isyu.
