BR LA UNION – Maisayangkat ita nga aldaw ti Biyernes, Marso 13, 2026 alas 3:00 inton malem iti namaris a Grand People’s Parade, kas paset ti pannakarambak ti maika-28 nga anibersaryo ti siyudad ti San Fernando.
Agserbi ti nasao a parada kas sentro ti selebrasyon, agsipudta sangsangkamaysa dagiti nadumaduma nga eskuelaan, lokal nga organisasyon, ken dadduma pay a sektor ti komunidad kas panangipakita ti panagkaykaysa .
Iyal-allokoy ti lokal a gobierno a buyaen dagiti higante ken namaris a float a mangipakita ti panagkaykaysa. Mainayon pay ti marching bands a mangted biag ken ragsak iti intero a ruta ti parada.
Kabayatanna, maipatungpal ti pannakairikep dagiti kalsada a pagnaan ti para, partikular iti sentro ti siyudad ti San Fernando.
