BR LA UNION – Itultuloy ti Municipal Environment and Natural Resources Office (MENRO) kabinnulig ti lokal a gobyerno ti San Juan, La Union iti “Palit-Basura” Program inton Marso 24-25, 2026 tapno agtultuloy a masustinir iti nasayaat ken nadalus nga aglawlaw.
Iti nadakamat a programa, tunggal umili ket mabalinna nga iturong dagiti nakolekta a plastic waste, tunggal kilo iti nadalus ken naisina a plastik ket adda sukat na a maysa a de-lata a tuna.
Maisayangkat ti programa manipud 8:00 AM agingga 2:30 PM.
Napalagipan amin a JUAN a suruten iti intuding a guidelines, partikular iti panagdalus ken umno a segregation dagiti plastik, tapno agbalin a napartak ken organisado ti taray ti programa.
