Nainget a pinaglibakan ni Atty. Harry Roque ti alegasion a land-grabbing nga inpila kontra kenkuana dagiti sumagmamano a mannalon.
Nagtaud ti reklamo kalpasan a nangipila ti kaso dagiti 15 a mannalon iti National Bureau of Investigation (NBI), mainaig iti mapapati a pannakaiyakar ti paset ti dagada idiay Bataan—a saklawen ti Certificates of Land Ownership Award—iti maysa a pribado a korporasion a konektado iti Philippine Offshore Gaming Operations (POGO).
Maibasar iti reklamo, mapapati a naisayangkat ti land transfer nga awan ti clearance manipud iti Department of Agrarian Reform (DAR).
Impaganetget ni Roque a paset laeng daytoy iti pammadakes kenkuana ken awan pay ti pormal a kaso, gapu ta reklamo laeng iti naipila. Kenunana a nakasagana isuna a mangsango iti aniaman a kaso a maipila kontra kenkuana.###
