Insingasing ti Department of Budget and Management (DBM) iti pannakausar ti nasurok-kumurang ₱20 billion manipud ti Malampaya gas project a pangpondo kadagiti bulk oil purchases kas sungbat iti epekto ti krisis idiay Middle East.
Segun kenni Acting Budget Secretary Rolando Toledo, ₱210 billion ti nailatang manipud iti agdama a pondo ti gobierno, pakairamanan ti paset ti General Appropriations Act (GAA). No mainayon ti Malampaya fund, mabalin a dumanon daytoy ti P230 billion para iti crisis response.
Makikoordinar ti DBM iti Department of Energy tapno maipatungpal ti nasao a plano.
Kabayatanna, agtultuloy a makatulong ti Malampaya project iti matgedan ti pagilian, a dumanon iti nasurok $13.9 billion, segun ti Prime Energy.###
