BR LA UNION – Dua a piloto natay kalpasan a nagsuwek ti nagluganan da nga air cargo plane idiay Barangay Decalacho, Coron, Palawan, ita nga aldaw, Huwebes Santo, Abril 2, 2026.
Napasamak ti insidente pasado alas 11:00 itay bigat, segun iti Philippine National Police Aviation Security Group (PNP-ASG).
Maibasar iti inisyal nga imbestigasyon, kellaat a nagsuwek ken bimtak ti eroplano kalpasan a nagtake-off idiay Francisco B. Reyes Airport.
Agarop alas 3:00 itay malem, narekobre dagiti otoridad iti bagi ti piloto ken co-pilot, nabigbig nga isuda: Joseph Jiao ken Allan Camelon, agpada a taga Cavite.
Ti nasao a cargo plane ket nagkarga ti 63 a kahon ti nabiag a lames.
