BR LA UNION – Saan a nagbalin a lapped ti panagtudo a ginubway ti Habagat iti naglabas a lawas, tapno bumisita ken agpasyar iti sumagmamano a turista ditoy probinsiya ti La Union, partikular iti nalatak a destinasyon dagiti turista idiay Urbiztondo, San Juan.
Nakauman ti Bombo Radyo La Union ni Michael Jason Angeles, turista manipud Cavite, kinuna na a napnek ken nag-enjoy iti panagturong ken panagpasyar na iti nasao a lugar, malaksid a naka-inana.
Kinuna na a ti orihinal a plano na ket agtalinaed laeng ti tallo nga aldaw, ngem gaputi nasayaat a kapadasanna, inkeddengna nga agextend ti panagtalinaed na iti lima nga aldaw.
Inbinglayna pay nga inawis isuna ti maysa a gayyemna ditoy La Union ket saanna a ninamnama iti naulimek ken natalna nga ambiance a nasarakanna idiay Urbiztondo.
Kangrunaan a nag-enjoy iti kapadasanna a nag-surf, panagsida ti tapa, ken napintas a pannakilangen dagiti umili ditoy probinsiya ti La Union.
