Imbatad ni Bise Presidente Sara Duterte nga awan pay ti nabukel na a Senate slate para ti 2028 elections, nupay addan dagiti sumagmamano a personalidad a nangipeksa ti interes a kumadwa kenkuana kas Presidente.
Kinunana nga awan pay ti pinal a listaan dagiti kandidato ken agtaltalinaed latta a saritaan ti posible a panagkakadwa dagiti interesado nga indibidwal. Nagkedked pay isuna a naganan dagitoy agsipud ta nabara paylaeng ti sitwasyon ti politika.
Kabayatanna, adda metten dagiti umas-asideg iti Bise a makapadpadas iti panangpangta, harassments, ken panangipila ti kaso, isu a maibilang da paylaeng a “presumptive candidates” bayat a saan pay a narugrugian ti Filing of certificates of candidacy.
Inaklon na met nga awan pay ti napili na kas running mate para ti kina-bise presidente ken innayon nga iwaragawag nan to lattan daitoy nu nakasagana isunan a pasingkedan ti panagkandidato.
