Nalpasen ti kampania ni Filipina tennis star Alex Eala iti Stuttgart Open kalpasan nga abaken isuna ti Filipina-Canadian a ni Leylah Fernandez iti straight sets, 1-6, 4-6, iti Round of 32 idi Martes idiay Germany.
Naala ni Fernandez iti umuna a set kalpasan a nakalamang ti 5-0 sakbay pay a nakapuntos ni Eala. Nupay nakagun-od daytoy ti maysa a game, napartak met ti panangilippas ni Fernandez iti set.
Nangipakita ni Eala ti napigpigsa a laban iti maikadua a set kalpasan a maala iti umuna a game. Nupay kasta, nakasubbot ni Fernandez ket intultuloy ti lamangna a 3-1.
Naaddaan ti ababa a rally ni Eala babaen kadagiti agsasaruno nga ay-ayam, ngem saan nga umdas a mangpasardeng kenni Fernandez, a nangselio ti pannangabak.###
