Makisalip ni Sthefany Gutierrez iti MGI All Stars competition, a nagbalin a second runner-up ni Catriona Gray iti Miss Universe 2018.
Iti profilena a kas maysa a kandidata, nadayaw ni Sthefany iti “poise, intelligence, ken charisma-na,” ken kasta met iti dedikasion ken disiplina iti lubong ti pageantry.
Iti Miss Grand International All Stars, sanguenna ti dadduma pay a beterano a beauty queens manipud iti nadumaduma a pagilian, pakairamanan ti lima a pannakabagi manipud ti Pilipinas nga isuda Imelda Schweighart, Gazini Ganados, Fuschia Ravena, Alexia Nuñez, ken Keylyn Trajano.
Sabali iti pormat ti MGI All Stars no idilig iti regular a Miss Grand International, nga iti agdama a reigning queen ti Pilipinas ket ni Emma Tiglao.
Silulukat ti All Stars edition ti MGI kadagiti babbai ken transgender women nga agtawen ti 20 agingga iti 40 a sigud a nakipaset kadagiti international pageants ngem saan pay a nakagun-od ti korona.
Naituding ti coronation night ti MGI All Stars inton Mayo 30 a maangay sadiay Thailand, a paglalabanan dagiti nalatak a kandidata.###
