Inwaragawag ti Sony a naipaayan ti Guinness World Records title nga Highest Altitude IMAX Film Trailer iti pelikula a Project Hail Mary, kalpasan a naipabuya ti trailerna iti law-ang.
Naiparang ti trailer idi Marso 14 babaen ti scale replica IMAX screen nga agrukod ti 101,896 feet iti ngato ti Earth.
Ti Project Hail Mary ket maysa a science fiction film a naibasar iti Andy Weir novel iti kapada a nagan.
Nagakem ni Ryan Gosling kas Ryland Grace, maysa a lalaki a nariing ken natakuatan nga isuna laeng ti agmaymaysa a nakalasat iti Hail Mary spacecraft.
Nangrugi a naipabuya iti nasao a pelikula kadagiti teatro idi Marso 20.###
