Inwaragawag ni U.S. President Donald Trump a napateg a maawatan ti Santo Papa a ti pagilian nga Iran ket maysa a “global threat” ken saan a rumbeng a mabalubosan a maaddaan ti nuclear weapon iti rason nga agpeggad ti intero a lubong.
Daitoy a waragawag ket kasaruno ti panangbabalaw ti Santo Papa kontra ti U.S.-Israeli war idiay Iran nga inawagan na kas “madness of war.”
Segun kenni Trump, nupay nawaya ti Santo Papa nga agsao ket nasken nga ikonsidera na a dakkel a pangta ti Iran.
Kabayatanna, agtultuloy latta ti gyera idiay Middle East kasaruno ti panagraut ti Estrados Unidos ken Israel kontra Iran kasta met dagiti panangibales ti Iran idiay Israel ken kadagiti Gulf states.
Rinibu a tattaon ti natnatay ken minilyon dagiti napukawan ti pagtaengan gapo iti tensyon, bayat nga agtigtignay met ti Santo Papa nga agtultuloy isuna a bumoses mainaig ti gubat.
