CITY OF SAN FERNANDO, LA UNION – Agtultuloy iti panagsurot dagiti vape shops ditoy Siudad ti San Fernando iti linteg kadagiti rumbeng ken saan nga aramiden para iti panaglakuan ti vape ditoy siudad.
Segun kadagiti sumagmamano nga aglalako ti vape ditoy siudad, nainget da a tumungtungpal iti pagannurutan tapno maliklikan ti multa.
Segun kadakuada, saan da laklakwan dagiti agtutubo nga agtawen ti disesyete agpababa, ken amin nga apan gumatang biruken da iti Valid ID a mangpaneknek nga addaa iti usto nga edad.
Dagiti vapes a lako da ket aggatad iti 250 pesos inggana 1,500 pesos depende iti kita ken kalidad iti mailako.
Maipalagip nga adda met iti koordinasyon da iti PNP ken nainget met iti monitoring ti ahensiya ditoy.
Adda pay iti panagmonitor ti DTI tapno masigurado a natalged dagitoy kas panagsurot iti pagannurutan.
Pinadas ti Bombo News Team nga alaen iti sentimento dagiti aglaklako ngem nagkedkedda metten maalaan iti bidyo.
Iti sabali a bangir, impasiguradoda met a sumursurot da iti linteg ken awan iti dapat nga pagdanagan dagiti customers da. (Report by Bombo Alphea)
