Pinasingkedan ti Department of Foreign Affairs (DFA) a nawayawayaan manipud kadagiti makunkuna nga scam centers dagiti 78 a Pilipino nga nagbalin a biktima ti human trafficking idiay Myanmar.
Immunan a naibalud dagitoy gapu iti kaso a mainaig iti imigrasion, pakairamanan ti illegal entry ken residency.
Segun iti DFA, ti Philippine Embassy idiay Yangon ket agdama a makikoordinar kadagiti otoridad ti Myanmar tapno masigurado ti napardas, natalged, ken naurnos a repatriation dagiti Pilipino nga agsubli iti pagilian.
Nagyaman ti ahensia iti gobierno ti Myanmar gapu kadagiti natauan ken mannakipagrikna nga addangda, a naaramid kagiddan ti selebrasion ti Myanmar New Year (Thingyan).
Dinakamat ti ahensia a pammaneknek daytoy iti nasayaat a relasion ti Pilipinas ken Myanmar.
Idi 2025, naka-repatriate iti Department of Migrant Workers (DMW) ti 839 a Pilipino manipud Myanmar, a 690 kadagitoy iti naikkan ti tulong para iti panagbiag ken pagsayaatan.
Agtultuloy met a bantayan ti DMW dagiti online postings a mangitukon kadagiti peke a package tour ken trabaho idiay Thailand, Cambodia, Laos, ken Myanmar.
Nasurok a 200 a Filipino iti adda idiay Myanmar iti nagkiddaw ti tulong para iti panagawid, idinto a 17,000 post a mainaig ti illegal recruitment ken peke a job offer ti na-take down iti internet.###
