Inwaragawag ti Department of Social Welfare and Development (DSWD) nga ibunong dan babaen kadagiti e-wallet transfers ti cash aid para iti fuel subsidy kalpasan a natay ti maysa a rider kabayatan a nakapila iti payout center sadiay Quezon City.
Segun kenni DSWD Secretary Rex Gatchalian, maipatungpal ti addan kadagiti sumaganad a payouts ken direktan a maipatulod babaen kadagiti e-wallet dagiti TNVS ken motorcycle taxi riders a karaman kadagiti benepisyaryo.
Inlawlawag pay ni Gatchalian a ti listaan dagiti makaawat ket manipud Land Transportation Franchising and Regulatory Board (LTFRB), a naglaon kadagiti laeng lehitimo a drivers.
Nagturong metten ti Sekretaryo ti pamilya iti pimmusay a rider tapno makiladingit ken mangted iti medical, burial assistance, ken dadduma pay a kasapulan a tulong.
