Pinakdaaran ni Angelica Panganiban iti publiko kontra iti online scam a mangus-usar iti imahe ken nagan ti business resort a Mangrove Resort Subic.
Iti maysa nga Instagram post, impakaammona iti maysa a Facebook page nga agpampammarang kas iti negosiona.
Impaganetget daytoy a saan a mangiprosproseso ti transaksion iti resort babaen kadagiti unofficial channels.
Segun ti law firm, aktibo iti nasao a page a mangsungsungbat kadagiti inquiries ken mangaw-awat ti bayad nga awan ti pammalubos manipud iti resort.
Pinaregta met ni Panganiban iti publiko a dagus nga i-report kadakuada no nakikomunikar wenno nabiktima ti nasao a fake Facebook page.
