Minulta ti National Basketball Association (NBA) ni Denver Nuggets Nikola Jokic ken Minnesota Timberwolves forward Julius Randle gapu iti panagbinnarada iti maudi a paset ti Game 4 kabayatan ti playoff series.
Namulta ni Jokic ti $50,000 bayat a $35,000 kenni Randle.
Segun ti NBA, nagramut iti tensyon kalpasan a nagdrive ken naglay-up ni Minnesota guard Jaden McDaniels iti nabatbati a 2.1 sec., uray dakkelen iti lamang ti Timberwolves. Naibilang daytoy nga “un-sports-manlike” ti Denver, rason ti panagreact dagiti players.
Segun ti NBA, ni Jokic iti immuna a nangiduron kenni McDaniels, bayat a ni Randle ket kellaat a simmali iti riribuk ken induron na met ni Nuggets guard-forward Bruce Brown.
Agpada a napatawan ti technical foul ken na-eject manipud iti ay-ayam da Jokic ken Randle.
Laksid daytoy, immuna ti Minnesota iti 3-1 kontra ti Denver iti postseason matchup a maikatlo a daras iti uneg ti uppat a tawen.
Kabayatanna, dakkel met iti problema ti Timberwolves kalpasan a ma-injure dagiti dua a kangrunaan a players ti koponan.###
