BR LA UNION – Dumanon iti 15 a tattao ti natay iti panagdinnungpar ti tren asideg idiay Jakarta, Indonesia, a dandani amin ket babbai segun kadagiti otoridad.
Napasamak ti insidente idi Lunes idiay Bekasi Timur Station kalpasan a maipagarop a dimmungpar ti maysa a long-distance train iti likod a paset ti nakasardeng a commuter train.
Ti nasao a bagon ket nakalatang a pagluganan dagiti babbai a pasahero a mangipapaay ti espasyo kontra harassment.
Umabot iti 88 dagiti nasugatan ken dagus a naiturong iti naduma-duma nga ospital tapno maagasan, bayat a dagiti natay ket maipasidong iti proseso ti pakabigbigan dagitoy.
Segun iti state-owned railway operator PT Kereta Api Indonesia, nakalasat met iti 240 a pasaheros ti long-distance train a karaman iti insidente.
Agtultuloy iti imbestigasyon dagiti otoridad, kabilang ti Indonesian police ken National Transportation Safety Committee, tapno duktalen ti eksakto a makagapo iti aksidente.
