Dakkel ti nagbaliwan iti Senado kalpasan nga immakar da Senador Loren Legarda, Senador Camille Villar, Senador Mark Villar, ken Senador Pia Cayetano iti minority group tapno suportaran iti panagbalbaliw ti liderato ti upper house.
Kabayatanna, nangipila met ni Senador Joel Villanueva iti mosion nga ideklara a bakante iti amin a posision iti Senado kas paset ti leadership reorganization.
Gapu iti daytoy, naikkat ni Senador Tito Sotto kas Senate President kalpasan ti panagbutos iti Senado. Sinukatan isuna ni Senador Allan Peter Cayetano a nakagun-od ti 13 a botos, idinto a ni Sotto ket nakagun-od laeng iti 9 a butos. Dua a senador met ti saan a nagbutos ken nag-abstain.
Napili a baro a Senate Pro-Tempore ni Sen. Loren Legarda.###
